فيلم القرد بيتكلم ، طبعاً من أول لحظة فى الفيلم" القرد بيتكلم " او حتى اول لحظة تشوف فيها اعلان الفيلم هتفتكر علطول فيلم Now you see me .. فهل فعلاً الفيلم نسخُه عربية من Now you see me ? تابع معانا ..
اولاً : القصة ..
اساسيات القصة بدون حرق ان اتنين سحَرة سيرك اخوات البيتميزو بخفة الايد والحركة ، والبيستغلو ده فى السرقة وجمع الفلوس ، وده الـ هنشوفه فى اول لحظات الفيلم ..
المهم ان الاخوات الاتنين بيستغلو موهبتهم وخفة ايديهم فى انهم يحاولو يطلعو والدهم الـ اتسجن ظلمُ فى اتهامة فى احداث ارهابية .. وطبعاً مش هقدر أتكلم عن القصه اكتر من كده لان القصة او الفيلم عموماً اهم نقطه فيه هيا عامل المفاجاة الفى القصة ..
فيلم القرد بيتكلم ممكن يكون شبيه بفيلم now you see me فى نقطة الاعمال السحرية المُرتبطة بالاعمال الاجرامية ..
للاسف السيناريو و الحوار ضعيف الى حد ما .. لان زى ماوضحت الفيلم كله بيعتمد على عنصر المفاجاة .. فتحس ان فيه كروته فى السيناريو لانهم متأكدين ان المفاجاه هتعمل عامل ابهار وهتنسى او هتغفر الجانب السىء لكل حاجه فى الفيلم ...
ثانياً : الاخراج والتصوير والخدع ..
للاسف اعمال الجرافيك والخدع ضعيفه جداً فى الفيلم .. وده هتلحظه فى حركة الكوتشينه ، او حتى شكل الطائره الهيلكوبتر .. مش قادرين تجيبو طائره هيلكوبتر بجد ، يبقى أعمله اعمال جرافيك سليمة ... وحركة الكوتشينه الكانت بتطير على وش عمرو واكد فى اول لقطات الفيلم مستفذه جداً .. وحتى عمرو واكد مش مدى اى احياء ان فى حجات بتطير وبتنزل عليه ..
التصاميم الكويسه الفى الفيلم هى التصاميم والصور الثابته .. زى شكل الرسومات المرسومه على مظلة السيرك او الغرف الداخلية
العروض السحرية او " السيركية " كانت جميله الى حد ماء بسبب وفكرنى فعلا بعروض ابطال فيلم now you see me ..
ثالثاً : الممثلين
ممثلين فيلم القرد بيتكلم كان منهم عمرو واكد ، احمد الفيشاوى ، بيومى فؤاد ، سيد رجب .. من وجهة نظرى التى لاقيمة لها ان احسن ممثل كا اداء فى الفيلم هو سيد رجب ، مع انه ماكنش لايق عليه الدور مش عارف ليه بصراحه :D ، بس كا اداء تمثيلى فهو احسن ممثل فى الفيلم ... وطبعاً بيومىء فؤاد الكان دوره " لايت " بضحكته الخفيفه وسط الكلام الجد بما انه وزير الداخليه وفى موقف صعب .. الدور ماكنش بساعده انه يطلع كل الجواه .. لانه ممثل كوميدى فى الطبع ، والدور ممكن يكون مش بتاعه .
بالنسبه لعمرو واكد واحمد الفيشاوى .. فهما اصلاً ممثلين كويسين بس سيناريو الفيلم ووالفيلم اصلا مش مساعد اى حد انه يطلع اى حاجه ..
بالنسبه لريهام حجاج ، ماحسيتش بيها فى الفيلم بصراحه ، المخُرج حاططها علشان مش حابب انه يسود الشاشه ، عايز يضيف لمسة حنينه على الفيلم وده الهتشوفه فى خوفها على حبيبها او حتى على الرهائن .
ليست هناك تعليقات:
إرسال تعليق