مراجعة فيلم Pan's Labyrinth

فيلم Pan's Labyrinth
قامت بالمراجعه : ماهيتاب أمجد

بعيدا عن هوليود ده فيلم اسباني مكسيكي انصح بمشاهدتة
قليل لما بيثير اهتمامي فيلم من الافلام الخياليلة حتى اعظمهم هاري بوتر و مملكة الخواتم لكن الفيلم ده من نوع خاص فهو يجمع مابين الخيال و الواقع و الدراما و و الاحاسيس الصادقة الي ممكن توصلك ده + الموسيقى الرائعة للفيلم المليئة بالحزن و الشجن
حرق الاحداث



الفيلم بأختصار في وقت الحرب العالمية الثانية بنت اسمها مرسيدس ابوها مات امها ااتجوزت قائد جيش اسمه (كابيتان فيدال ) شخصية قاسية و ظالمة

البنت بتقابل شخصيات خيالية جنيات و كائن غريب شبه جزع الشجرة في متاهة في غابة بيقولها انها مش بشرية و انها بنت القمر و وريثة مملكة القمر بس لازم تقوم بمهمات عشان تثبت انها تقوم بمهمات عشان تثبت ان جينات البشر مأثرتش فيها
في وقتها بيبان في اكتر من مشهد عنف و قسوة كابيتان فيدال و قتلة للثوار المتمردين عليه من خلال قتلة لاب و ابنة شك فيهم و تبين ليه بعد مقتلهم انهم مش مترمدين و بيبان بردو في مشهد مرض زوجتة و هي حامل و هو طلب من الدكتور ان حياة الطفل هي لاهم عنده
في وقتها البنت طلبت من الجنيات وصفة سحرية لعلاج مرض امها و حطيتها تحت السرير و فعلا بدأت حالة الام تتحسن
البنت نجحت في مهمتين من اللي اطلبوا منها زرع شجرة و انقاذ شجره يسكنها ضفدع عملاق و المهمة التالتة كان مطلوب منها تنزل مكان تحت الارض معاها جنيتين المكان ده يسكنة كائن مخيف امامة وجبات شهية و كل انواع الفاكهه المفروض انها متلمسهاش عشان ميفوقش و يقتلهم البنت اتحذرت اكتر من مرة بس مقدرتش تقاوم فضولها و لمست الفاكهه كانت نتيجتها ان الكائن ده حاول يطاردها بس عرفت تهرب و جنية واحدة بس معاه لا التانية اتقتلت
من بعد المهمة دي لما فشلت اتحرمت انها تبقى اميرة مملكة القمر و في نفس الوقت افيدال اكتشف اللي هي حطاها تحت سرير امها و حرقة و كانت النتيجة ان الام ماتت بعد مخلفت ولد حياة مرسيدس بقت كئيبة هي الى ان بيجلها جزع الشجرة و يديها فرصة اخيرة بس الاهم انها تسمع الكلام من غير سؤال و كان الطلب انها تخدر فيدال و تسرق اخوها و تهرب عملت كدة فعلا بس بعد مطاردة من فيدال و بعدها اتطلب منها انها مقابل انها تروح المملكة تضحي بدم اخوها و ده اللي هي رفضتة و اكتشف مكانها فيدال و شافها بتتكلم و مفيش حد اودمها
و ده يدل ان كل ده من خيال مرسيدس اللي حاولت تهرب منه من الوقع اللي هي فيه و في مشهد اكتر من مأسوي بكل برود اعصاب قتلها فيدال برصاصة واحدة و اخد الطفل بس في النهاية كان منظرة الثوار برة و من ضمنهم الخادمة بتاعتة اللي مكنش باين عليها انها تبعهم الا ان اخوها تبعهم و كان هربان بعد معرف فيدال انهم هيقتلوه بيطلب منهم انهم يقولو للطفل عنه .. و قبل ما يكمل كانوا قتلوه و قالوا مش هيعرف عنك حاجة اصلا
و ماتت مرسيدس و دمها يسيل على بحيرة في وقت اكتمال القمر و النهاية الخيالية انها راحت مملكة القمر و ان دي كانت مهمتها الاخيرة و ضحت بدمها هي و انها حكمت مملكة القمر لسنين بالعدل و بمحبة شعبها و النهاية الواقعية انه ماتت و ان ده كه من خيالها