بقلم Mahe Amgd
- في رائيي الشخصي اللي خلى الفيلم ده من اعظم الافلام في التاريخ و اعظمهم و اقربيهم لقلبي شخصيا هي انك طول الوقت لما تندمج مع ال كورليوني مفيش احساس بالتمثيل او عبقرية التمثيل اللي ادت لواقعية ذايدة اوي الحوارات و الجمل العفوية الكلام الايطالي الكتير الاماكن الحقيقية و كمان من اسباب عظمة الفيلم ده انه اول فيلم يتكلم عن الحياة الداخلية للمافيا و عائلاتهم مش مجرد حرب شوارع و ضرب نار و اكشن و خلاص لا اتكلم عنه من الناحية الدرامية و العراب يعتبر المرجع الاول اللي مشي عليه افلام العصابات الاجرامية بعد بيمشوا على نفس النهج بتاعة
- و عظمتة بردو في انه صنع نجوم كتير يعني بالنسبة لحد اول مرة هيتفرج على الفيلم هيشده فيه الاسامي الكبيرة اللي مجتمعة في فيلم واحد مارلون براندو ال باتشينو ديان كيتون جيمس كان روبرت دوفال و روبرت دينيرو في الجزء التاني اسامي تخض لكن ارجع للجمهور اللي شافة سنة 1972 دخل فيلم ميعرفش فيه غير مارلون براندو و الباقين كبيرهم عمل فيلم او فيلمين قبل الفيلم ده و بعدها صنع نجوم كبيرة هي اللي غيرت مفهوم و معنى السنيما بعد كدة
بالاضافة الى ان الممثلين اللي عملوا العائلات الخمسة و رجالهم معظمهم ممثلش قبل كدة و اول تمثيل ليهم و يمكن مشتغلوش تاني بعدها كتير و كأنهم جتلهم الموهبة و جايين في مهمة للفيلم ده و بس
- احساس اللي ممكن يوصلك انه حقيقة مش مجرد فيلم شخصية زي شخصية فيتو كورليوني في الواقع هي شخصية بتعلم حاجات كتير اوي في الحياه حكم فيتو و فهمه للحياة بعقلانيه و هدوء و تربيته لابنائه على المبادئ من غير سخريه ايوه التربيه على المبادئ ده لايمانه ان ده مجرد عمل و رفضه المستمر انه يكون اداه مربوطه بخيوط عرائس المريونيت هو ده مزيج و عمق شخصية فيتو كورليوني و وجه الشبه بينة و بين مايكل هم الاتنين الظروف اللي خلتهم كدة و دخلوا في طريق معرفوش يخرجوا منه
لما مايك قال ( هذة عائلتي كاي هذا ليس انا ) و تذكرة في الجزء التاني انه اختار طريقة بنفسة و التحق بالجيش بتقول انه كان راسم لنفسة طريق بعيد عن الاجرام و شغل العصابات لكن حياة والده و الحفاظ على العيلة و موت اخوه خلاه يبقى في الطريق ده و حاول اكتر من مرة يخرج منه معرفش لما قال في الجزء التالت ( كلما احاول ابعد عن الجريمة يجذبوني اليها مرة اخرى )
الصراع الداخلي عندة صراع نفسي و قررت الجملة دي كتير لانه مش سهل حد يقتل اخوة و خصوصا لما يبقى الاخ الضعيف الطيب اللي بسهولة اتخدع عشان سذاجتة يمكن رائي ان ده القرار الوحيد الغلط اللي خدة مايكل و موت بنته ماري في الاخر و صرختة وضحت اوي كل اللي كتمة في قلبة كل ده و خسارتة لبنتة و خسارة للعيلة و موت ماري كان هو الثمن اللي لازم يدفعة
- يعني اللي هيندمج معاه اوي هو اللي هيحس بده هو اللي هيحس ان ال كورليوني حقيقة بتعيش معاها حياه متعيشها معاهم و عمرك ما هتقدر تحدد تتعاطف معاهم و لا لا هل اللي بيعملوه ده غلط و لا لا
يعني انا وصلت لمرحلة من كتر مصداقية الثلاثية دي ان وصل عندي احساس ان في ممثل عبقري اسمه ال باتشينو و في مايكل كورليوني grin emoticon
- بالاضافة انا شخصيا اتعلمت حاجات من الثلاثية دي بالذات حكم الدون فيتو كورليوني
.Don't ever take sides with anyone against the Family again. Ever
.Keep your friends close but your enemies closer
.A man who doesn't spend time with his family can never be a real man
.Never tell anybody outside the family what you're thinking again
في الاخر عبقرية براندو و ال باتشينو روبرت دينيرو و جيمس كان و روبرت دوفال و ديان كيتون جون كازال و لي ستراسبرغ (هيمان روس) و الرائع في الجزء الثالث ايلي والك و كل الممثلين و كل اللي شارك في صناعة الثلاثية الخالدة و موسيقى نينو روتا و التصوير لما سالو فرانسيس كوبولا ايه سر نجاح الثلاثية قال كل اللي اشتغلو اتقنوا فيه من تمثيل و تصوير و موسيقى و مونتاج و لما اتسئل انت عملت ايه قال انا اللي اخترتهم smile emoticon
فرانسيس كوبوبلا مش اعظم مخرج في التاريخ بس عمل اعظم ثلاثية في التاريخ
و باعتذر في الاخر اني طولت و اسلوب الكتابة لو كان فيه غلطات او شوية لغة عربية و شوية عامية بس حبي و عشقي لثلاثية The Godfather
كان لازم اتكلم عنها
ليست هناك تعليقات:
إرسال تعليق