فيلم TheGodfather 2
بقلم Mahe Amgd
2- كل الظروف اللي حوالين فيتو كورليوني او فيتو انتونيو اندوليني بتقول انه بشكل او بأخر لازم يدخل حياة الاجرام من اول الطفل فيتو اللي ابوه و اخوه اتقتلو من دون تشيشي و شاف امة و هي بتتوسل للدون تشيتشي عشان ميقتلش فيتو و بعدها اتقتلت و هي بتقولو اهرب فيتو اهرب
3- (عندما يكبر هذا الطفل سينتقم )
جمله قالها دون تشيتشي مهدت للاحداث بعد كدة و ده طبعا قانون المافيا او قانون صقلية البلد الجميلة التي غلفها الثأر
4- الطفل فيتو اندوليني هادئ قليل الكلام وحيدا في امريكا مشهد السفينة لكثير من الناس هربانين من بيئاتهم و حياتهم لارض الاحلام امريكا و هي لسة بتتبني
5- عبقرية كوبولا في المزج بين الخروج من مشهد في حياة فيتو للدخول بمشهد في حياة مايكل و كأنة يقصد اوجه التشابه و الاختلاف
6- (عرضي هو لا شيئ )
دون مايكل اللي شخصيتة اتحولت كتير عن الجزء الاول اصبحت المسؤليات و المشاكل اكبر و كمان ثقة مايكل في نفسة اكبر مشهد بينة و بين السيناتور للي بيتعمل بتكبر و بتباهي و بيهين مايكل و هو زي ماقال مايكل الفرق بينهم مش كبير ورد مايكل بالعرض بتاعة انه لا شيئ عن نظرات مايكل في المشهد ده اللي كلها ثقة و احتقار للسيناتور و ده اللي هيبين بعد كدة تنفيذ عرض مايكل
7- علاقة مايكل بكاي اللي اصبحت خالية من الحب و العاطفة فامايكل اصبح بيزنس مان و حتى ان كان بيظهر حبه او اهتمامة بيها فهو الاهم عندة الحفاظ على العيلة فقط
8- فريدو و اللي شخصيتة بتكبر و بتتمحور في الجزء ده و بيبان اضعف و بيتهان من مراتة و مش عارف يسيطر عليها كل ده بيولد في داخل فريدو انه لازم يعمل اي حاجة عشان يبان انه مش ضعيف حتى لو كان على حساب مايكل
9 - فرانك بينتاجلي يبان انه عصبي و بيهدد كتير بس مش هتشعر لحظة انه خاين ان ضد مايكل بالعكس هو من رجال فيتو القدام اللي محل ثقة و عايز مصلحة مايكل و العيلة بس بيتصرف غلط
10- نظرة توم هيجان اللي فيها احراج و حزن لما خرج من الاجتماع بتاع مايكل و جوني اولا و احساس توم هيجان انه مش محل ثقة او انه ميستاهلش ان مايكل يبعدة عن انه يبقى مستشار رغم انه جزء من الثانية بس وصلت
11- "مايكل لماذا تركت النافذة مفتوحة "
محاولة لقتل مايكل في بيته في اوضة نومة وسط كل الحراسة اللي عند مايكل اذا الخيانة من داخل المنزل
12- رجوع الثقة بين مايكل و توم هيجان بعد محاولة القتل و اعطائة كل مهام العيلة لانه عارف انه هيدخل حرب كبيرة هينجى منها او لا
13- "هل هو ايطالي اذا لماذا يعامل الايطالين هكذا "
فيتو كورليوني في الحي الايطالي الامريكي و رؤيتة لدون فاونشي يهدد والد حبيبة صديقة بالقتل او الدفع كنوع من انواع البلطجة و محدش يقدر يقف قدامة بحجة ان الكل بيدفع هنا بداية فهم فيتو انك لازم تكون انت اللي ماسك بخيوط اللعبة عشان محدش يتحكم فيك و ربط بينة و بين الجزء الاول في حوار فيتو مع ابنة مايكل
14- ترك فيتو لعملة بسبب قريب الدون فاونشي و مبنتهى الصدر الرحب بيقبل فيتو انه يسيب الشغل حفاظا على حياة صاحب المحل اللي بيحاول يديه اي حاجة من المكان اكل او تعويض و اللي بيرفضة فيتو تماما بمنتهى الادب لكرامتة العالية اذن للمرة المليون فيتو مش شخص عديم الاخلاق
15- الكل يتعامل بالاسلحة و السرقة في الحي لايطالي ليكون الاقوى و اول عملية سرقة (لسجادة) لفيتو كورليوني و الصديق الجديد كلمينزا المشهد فيه جزء من الكوميديا مع موسيقى الخلفية
16- مايكل مرة اخرى و هيمان روس هو شخصية بتحاول تبين انه كبير و بيعامل مايكل انه ابنة و ديما بيفكرة بعلاقتة مع والدة زمان شخصية تبان في الاول انه ميخوفش بس من وراها مايكل فاهم ان هو اللي ورا محاولة قتلة و انه عايز يستولى على كل ممتلكاتة و اعتقادة انه مش هيموت دلوقتي بالغرم من كتر حديثة عن السن و المرض
17- "مايكل كورليوني يرسل لك التحية "
وقوع فرانك بينتاجلي في فخ روس و ظنه ان مايكل خانة و محاولة قتله من الاخوين روساتو
18- "بانانا داكري"
حوار مايكل مع فريدو حوار من القلب لفريدو و قال فيه ياريت كان الحوار ده تم من زمان و طلب مايكل من فريدو انه ينظم حفلة و قالة ان هيومان روس عايز يقتلة بس هو اللي هتكون دي اخر ليلة راس سنة يقضيها لحد اللحظة دي مايكل مكنش متأكد اذا كان فريدو هو الخاين و لا لا مع انكار فريدو طول الوقت انه ميعرفش مين روس و مين جوني اولا وقع منه في سهوة في الحفلة لما حد بيسئلة عرفت المكان ده منين قال جوني اولا هو اللي جبني هنا اول مرة و طبعا افساد عملية قتل روس و تبليغ البوليس اللي انقذ روس
19-" كان لي صديق عملنا معا و كافحنا معا و امن بي و جائت له فكرة في تأسيس مدينة كبيرة و لم يكرم حتى او يوضع له تمثال و في يوم قتل و لم اسئل يوما من قتلة هذا الصديق يدعى موجرين "
الوجه الحقيقي لهيومان روس هيبان في نيفادا لما الفلوس تتأخر و كلام مايكل عن الثوار في كوبا و قلقة و هنا و عند سؤال مايكل مين قتل بينتاجلي
20- "You broke my heart Fredo you broke my heart "
و قبلة الموت مشهد معرفة مايكل ان اخوه فريدو هو الخاين من اصعب و احلى المشاهد عرف بعدها فريدو ان مصيرة الموت و ان مايكل مش هيسامحة
21- فيتو كورليوني قرر يتمرد و ميدفعش فلوس لدون فاونشي و بزكاء و دهاء فيتو كورليوني تم قتل دون فاونشي و تكون اول عملية قتل يقوم بيها
22- "مايكل والد يحبك كثيرا"
جمله قالها فيتو لمايكل و هو لسة طفل رضيع و ده يبين العلاقة الخاصة بين مايكل و والدة و منزلة مايكل عن فيتو اكتر من اخواتة و لو تلاحظوا الاغنية اللي كانت في الخلفية لراجل اللي كان بيعزف هي عبارة عن اغنية ايطالية لتهويدة نوم nina nana
و معنى بقية الكلام نام ايها الطفل انت تشبه ابيك
23- اجهاض كاي للطفل و قبل ما يعرف مايكل انه متعمد و الحوار اللي بينة و بين والدتة و عن قلقة لخسارة العيلة
24- بداية نفوذ دون فيتو كورليويني و نقدر نقول انه بقى الدون دلوقتي في لفتة انسانية بتطلب منه سيدة انه يكلم صاحب البيت عشان ميتردهاش و ميتردش الكلب في مشهد رائع بيكلم فيتو بمنتهى الادب و الاخلاق بيكلم صاحب البيت و بيعرض عليه فلوس عشان يخلي السيدة في بيتها و الكلب معاها و هو بيرفض و بعدها بيسئل الحي عليه و بيروح و هو خايف و متوتر يعتذر و يرجع الفلوس و بيخفض الايجار اذا هذة هي عدالة الدون كورليوني و الفرق بينة و بين فاونشي هو بيجيب حقوق الناس اللي ميقدروش هم يجبوها و بيعرض عرض لا يمكن يترفض
25- "فريدو انت لست اخي و لست صديقي و لا تمثل لي اي شيئ"
حوار بين فريدو و مايكل بين فيه فريدو كمية الالم و الحزن اللي جواه من سنين حاول يثبت انه مش ضعيف و انه الاخ الكبير و انه ذكي مش غبي كان رد مايكل عليه انه مبقاش اي حاجة بالنسبالة و مش عايز لا يشوفة و لا يعرف اخباره بس ملاحظة صغيرة كدة انه بالرغم كل ده امر ال ريني المساعد بتاعة ان فريدو ميتعرض لاي اذى طول ما امه عايشة
26- (مايكل كورليوني يفعل هذا مايكل كورليوني يفعل ذاك قلت نعم و لما لا )
جلسات الاستجواب من الكونجرس اللي بذكاء مايكل هيجيب اخو فرانك بينتاجلي من صقلية عشان فرانك يبقى تحت التهديد و يغير اقوالة و طريقة كلامة بسخرية هم قالولي مايكل كورليوني قاتل مايكل كورليوني زعيم مافيا قلت نعم و لما لا !
27- " مايكل انت اعمى هذا اجهاض مايكل اجهاض"
الخلاف و المشادة الكبيرة اللي حصلت بين مايكل و كاي اللي بينت اد ايه الاتنين مش فاهمين بعض كاي مش فاهمة و راضية بطبيعة شغلة و مايكل فاكر انها مجرد زعلانة عشان هو بعيد عنها و اتغير شوية بس لحظه اعترفها باجهاضها الطفل بشكل متعمد و عدم رغبتها في استمرار العيلة دي اللي بيجري فيها الدم الصقلي في لحظة صمت و عدم استيعاب من مايكل و نظرات عنيه و وشة اتجمد مكنش فيه رد غير اقوى الصفعات على وجه كاي
28- زيارة فيتو و اسرتة لصقلية و الملاحظات الدقيقة بتاعة كوبولا في الاطفال اللي ظهروا لمدة دقايق بس هم في الشكل و الاسلوب شبة الشخصيات و هم كبار سوني الولد اللي لعبة كله ضرب فريدو الطيب اللي بيلعب مع جدتة بهدوء مايكل الهادي اللي بيتفرج و هو ساكت على مصنع زيت الزيتون
29-( اسمي هو فيتو اندوليني و هذة لك )
الثار عمرة ماينتهي و لا يتنسي بعد سنين بيكبر الطفل الصغير فيتو اللي شاف امه بتتقتل و يرسل تحيات والده المقتول الي دون تشيتشي بطعنة في بطنة ليتم قتل دون تشيتشي و الاخذ بالثار
ملاحظة: بعد عملية القتل اتصاب دون تماسينو صديق فيتو بطلقة في قدمة و ده يوضح هو كان بيعرج و على كرسي و معاه عكاز ليه في الجزء الاول و ده يدل على دقة كوبولا في ادق التفاصيل
30- "Michael say goodbye"
و بالمشهد ده ينتهي جزء فيتو كورليوني اللي كان اكثر دفئا و استقرارا من جزء مايكل
31- وفاة ماما كورليوني و توسل كوني لاخوها مايكل عشان يسامح فريدو و ان فريدو مسكين عن فرحة فريدو لما شاف مايكل و احتضنة و عيط و عن نظره مايكل ل ال ريني و اكنها امر بقتل فريدو بعد موت والدتة مبقلوش مكان
32- "هذا ليس مستحيل لا شيئ مستحيل "
قتل هيومان روس و هو جي من المطار في نفس الوقت فرانك بيحكي عن الامبراطورية الرومانية القديمة اللي كان بيخسر كان بينتحر مقابل الحفاظ على عائلتة و يتم العصور بعدها على فرانك منتحر بقطع شراينة
33- المشهد الاصعب على الاطلاق و القرار الاصعب و لأن في قانون المافيا الخاين مصيرة الموت حتى لوكان الاخ حتى لو كان غلطان حتى لو ضعيف لو كان طيب لو مكنش يقصد مفيش مبررات و مفيش مسامحة فريدو و هو يتلو صلاه مريم بعد انتهائها اضرب بالرصاص !
34- فلاش باك في عيد ميلاد فيتو كورليوني سوني بيعرف كوني على كارلو اللي هتتجوزة بعد كدة و هو اللي هيكون السبب في قتل سوني مايكل التحق بالجيش من غير ما ياخد رائيهم و الوحيد اللي بيهنيه فريدو و سوني بيعنفة انه ازاي يعمل كدة و توم هيجان بيقوله انا اتناقشت انا و بابا عن مستقبلك كتير قالة عن مستقبلي انا !
كل ده في ذاكرة مايكل هو كان ايه و بقى ايه و الصراع النفسي اللي هيبقى عنده و انه مشي في طريق مش هو اللي اختاره .
ليست هناك تعليقات:
إرسال تعليق