قدملنا جافين اوكونور مزيج رائع بين القوة والضعف فى وقت واحد ولحظه واحده .. وده الظهر فى أخر الفيلم فى اداء توم هاردى فى أخر لقطات الفيلم
فيلم WARRIOR
قصة الفيلم :
القصة فى أختصار شديد بيحكى عن اتنين اخوات واحد منهم كان فى البحرية " توم " والتانى مدرس كيمياء البيتعرض لـ ازمات مالية هتخليه يلجى انه يلعب فى المباريات الغير شرعيه للفنون القتاليه المختلطه والبيساعده فى ده خبرته القليله فى الرياضه دى وكمان ان والده كان احد المحترفين فى اللعبه ..
فى نفس الوقت البيتم الاعلان عن مسابقة فى نفس الرياضه بجائزه قيمتها 5 مليون دولار .. وده كان داعى كبير جدا لـ بريندان " مدرس الفيزياء " انه يشترك فى المسابقة عشان يحاول يصلح الازمات الماليه التعرضها فى الفتره الاخيره .
وفى نفس الوقت ان اخوه " تومى " البيعانى من ازمات نفسيه شديده وده كان بسبب احداث متعلقه بمسائل عائليه فى حياته ادت انه وصل لـ اقصى مراحل الكره لـ ابوه واخوه ...
تومى اشترك فى المسابقة علشان وعد مرات زميله المات انه هياخد باله منها ومن اولادها فالـ 5 مليون كانت أنسب هدية يقدمها تومى لزوجة زميله المات ..
......
الفيلم كله صراع نفسى شديد بين ثلاث شخصيات ( بادى كونلون ، وتومى و بريندان )
الفيلم رسمة فنيه جسدت اروع مثال للكره والحب فى أنً واحد ! .
...
النقد :
الفيلم حصل على مراجعات وتقيمات ايجابية من أغلب النقاد المصدر " موقع الطماطم الفاسده " ..
" 83 بالمئة من النقاد أعطوا للفيلم مراجعات جيدة مع نتيجة متوسطة هي 7.3 من 10 بناءً على 174 مراجعة "
...
الموسيقى والاخراج من اروع مايكون فى الفيلم .. والموسيقى ضافت كتير جداً للفيلم .. قمة الادرينالين على موسيقى بيتهوفين ذات الايقاع الهادى !!
لك أن تتخيل :D
تقيم الفيلم على imdb 8.2
ماشي حالو
ردحذف